Landsline for folkemusikk Vinstra vidaregåande skule har musikk, dans og drama med folkemusikk, som elevar frå heile landet kan søkje på. Sidan 1997 har skulen hatt landsline i folkemusikk og den er den einaste i sitt slag i Noreg. Du kan søkje uansett kor i landet du bur, og søkjarar frå heile landet stillast likt ved inntak. Generell studiekompetanse Undervisningstilbodet følgjer musikk, dans og drama-modellen med både programfag og fellesfag, slik at elevane får generell studiekompetanse. Fag- og timefordeling Som elev på folkemusikklina får du mellom anna dette: ein time i veka med hovudinstrumentlærar opplæring på biinstrument (valfritt, til dømes fele, hardingfele, munnharpe, gitar, piano) opplæring i kveding og folkedans På Vg2 utgjer programfaga 17 timer og fellesfaga 18 timer i veka. Programfag Hovud- og biinstrument, kor, spelemannslag, musikk i perspektiv, folkemusikkhistorie, komponering/arrangering, musikkformidling/musikkteknologi, ensembleleiing, musikklære/lytting, gehør, øvingslære og folkedans. Enkelte programfag blir undervist i fellesgrupper saman med dei ordinære musikkelevane, medan andre er i eigne grupper eller med tilpassa innhald (samspel, kveding, musikk i perspektiv, biinstrument, hovudinstrument m.m.) Fellesfag Norsk, engelsk, kroppsøving, naturfag, matematikk, samfunnsfag, historie, religion, geografi, og 2. framandspråk (tysk, spansk eller fransk). Alle instrument Skulen tilbyr alle instrument innanfor folkemusikk, -dans og -sang, men det kan være behov for individuelle tilpasningar ved enkelte instrument. Dyktige lærarar Skuleåret 2020 - 2021 er blant andre Ingeborg Ulberg Sommer og Vegar Vårdal folkemusikklærarar. Men det er også bruk av gjestelærarar. I tillegg har elevane andre musikklærarar ved skulen i enkelte programfag, og lærarar innanfor studiespesialisering i fellesfag. Frivillig prøvespeling Det er ikkje opptaksprøve. Søkjarar kan komme og prøvespele, men det er frivillig. Slik søker du Søk om skuleplass Du søker, får svar og svarar på tilbod i Vigo. Søk på vigo.no Du må søke opptak kvart år. Søknadsfrist Søknadsfristen er 1. mars. For søkjarar som har krav på individuell behandling av søknaden sin, og søkjarar med fortrinnsrett til vidaregåande opplæring, er fristen 1. februar. Hybel Det er gode hybeltilbod på Vinstra. Elevane kan få gratis frukost på skulen. På fritida Folkemusikklina har eiget spelemannslag "Spira", som er svært aktivt. Dei øver og er rundt omkring og speler utanom skuletid på konsertar og kappleikar. Du er i eit spennande klassemiljø med musikk- og danseelevar, og du treff mange som har dei same interessene som deg. "Det krev mykje hardt arbeid, litt flaks og eit talent for å leve heiltid av musikk." Øyvind Sandum, folkemusikar og tidlegare elev ved Vinstra vgs. " Elevane på landslinja i folkemusikk på Vinstra er dedikerte og engasjerte, og gjer at eg lærer like mykjy sjølv som eg lærer bort. Det er draumejobben for ein ivrig og engasjert pedagog og artist som meg."Vegar Vårdal, lærar ved landslinja, Vinstra vgs. "Mi tid på (folke)musikklina markerer starten på musikkarriera mi. Der fekk eg augo opp for andre typer musikkuttrykk, og meget dyktige og snille lærarar hjelpte meg til å utvikle og uttrykke musikken min. Men det eg hugsar best er å treffe likesinna medelevar, og 12 år seinare har eg framleis god kontakt med mange av dei." Bjørn Kåre Odde, folkemusikar og tidlegare elev ved Vinstra vgs. "Folkemusikklina ved Vinstra vgs var ein døropnar for meg. Der lærde eg musikkteori og vart betre i utøvinga av musikken. Dette har vore viktig for meg både i vidare studier og musikalsk virke" Mari Midtli, folkemusikar og tidlegare elev ved Vinstra vgs. Vegard Vårdal, lærarMari Midtli, folkemusikar og tidlegare elev Sist endra10.02.2021 11.31